হে বিপ্লৱী তোমাক প্ৰণাম!
হে বিপ্লৱী তোমাক প্ৰণাম!
জয় ধ্বনিৰে জাগ্ৰত অসমীয়াই
মেলিছে ন কুঁহি পাত
মুক্তিৰ দুৱাৰত খটখটাই
সংগ্ৰামী জন-গণ
এয়া বিপ্লৱী অসমীয়া।
ফেৰেংগাদাও!
তোমাৰ যাযাবৰী পণ
বিশ্বৰ প্ৰান্তে প্ৰান্তে
প্ৰজ্ঞা-সাধনাৰ গুণানুকীৰ্তন।
আজি মন্দিৰৰ দুৱাৰ খোলা
মিলন সেতুৰ বহে মেলা
কৃত্ৰিম-অকৃত্ৰিমতাৰ চিত্ৰপটত
নি:কিন হোৱা নাই আপোনতাৰ
আজিৰ ঐক্য জনতা
স্বপ্নবাদী!
এই ৰাতিৰ গভীৰতাৰ উমান নাই।
বিশৃঙ্খল, অশ্লীল সমাজৰ
ক্ষণৰ গণনা নাই।
কিন্তু!
পুৱাৰ ৰেঙণিত প্ৰাণৰ উশাহ
সুপ্ত তোমাৰ গীতৰ কথাত।
জীৱন! জাগৰণ!
আৰু প্ৰাণ ছন্দৰ গুণগুণনি।
কিন্তু, আজিও অসমীয়া
অপেক্ষাত ন পুৱা লৈ
ন জীৱন নাটৰ
পুন: ৰাগিনীৰ দৃশ্যপটলৈ।